rssgaur8 logotipoa

Eraldatzen

Obama Estatu Batuetako lehendakari bilakatu den aste honetan, Gazaren kontrako erasoa eten egin du Israelek, mementuz.

Obamak “bake aro berria” aldarrikatzen du, eta badirudi Israeleko agintariek ez diotela errealitate gordinarekin eguna ozpindu nahi, mementuz. Bakea denen ahotan.

Israelek Gazaren kontrako erasoak geldi izana, Palestinan bakea dagoela esan nahi du? Ezta gutxiahgo ere. Johan Galtung, gatazken konponbidean aditua, ederki esan zuen bezala bakea ez da bakarrik “biolentziaren desagerpena”.

Palestina oso egoera larrian jarraitzen du. Israel jarrera berdina izango du aurrerantzean ere, eta orain arte erabili dituen politika berdinak erabiltzen jarraituko du. Palestinarrentzat sufrimendua eta heriotza dira politika hauen ondorio nagusia.

Nazioarteko elkartasuna inoiz baino inportanteagoa da. Euskal Herrian, eta mundu osoan piztu den elkartasun olatu hau bere horretan jarraitu beharko luke. Israeli Boikota egiteko deia inoiz baino ozenago ohiukatu beharra dago.

Brusela, Caracas, Kinshasa, Hong Kong, Bilbo, eta beste hainbat tokitan jende ugari atera da kalera. Palestinaren alde. Nahikoa da esateko.

Gatazka hau konponduko duen gerra estrategiarik ez da oraindik asmatu. Argi dago, gurean bezala, Palestinan ere, elkarrizketa, negoziazioa, akordioa, eta akordioaren inplementazioa ekarriko dutela bakea. Israelek hori badaki. Espainiak ere ederki daki.

Ez dute baina, gatazkaren konponbidearen bidean, iniziatibaz inolako aurrera pausurik emango. Haien helburua gauzak ahalik eta gutxien aldatzea baita. Egungo eskenatokian eroso daude.

“narkoa” Mexikon

Mexikok egun bizi duen kriminalitate izugarria droga trafikoak sortzen du. Mota guztietako albistegietan eta albisteetan, Mexikoko droga karteletaz entzuten dugu, droga trafikatzaileen aurkako borrokaz, Chapo Guzman bezalakoen izenak, etab. Baina borroka honen alde garrantzitsu baten parte hartzea ahazten da, AEBek jokatzen dutena alegia.

Mexiko, droga trafikorako leku aparta bat bihurtu da. Droga guzti horren kontsumitzailea AEBtan dago eta bi estatuen artean dagoen 3.000 kilometrotako lurreko muga aintzat hartzen badugu, borroka honen zailtasunaz jabetuko gara.

Calderonek Mexikoko Presidentzia legez kanpo irabazi zuenetik, sekulako polizia operazioak egin dira narkotrafikoaren aurka, izan ere, denetariko armak, drogak eta pertsonak atxilotuak izan dira (4.000 tona marihuana, 70 tona kokaina, 27.000 arma, 2.000 granada, 315 hegazkin, 40.000 pertsona, …).

Halere, drogaren kudeaketa osoan mugaren beste aldeari begiratu behar zaio. AEBtan, bere konstituzioaren 2. atalari esker, edozein herritarrak lortu dezake AK47 bat edo antzeko fusilen bat. 12.000 arma denda daude Mexikoko mugatik hurbil, eta Mexikoko kartelak hortik betetzen dituzte haien armategiak. Bi kilometrotara auto blindatu bat zulatu dezaketen armak kalean erosi ditzake edozeinek.

Droga eroslea gainera mugaren beste aldean dago. Eroslea, eta gero AEBtan droga hori banatzeaz arduratuko dena. Mexikok ez du erraza narkoaren aurkako borroka, are gutxiago AEBk bere erantzunkizuna hartzen ez duten bitartean.