rssgaur8 logotipoa

Finlandiar Erizainak borrokan!!

12.800 Erizainek lanpostua utziko dute

Duela gutxi Finlandiar erizainak aurrera daramaten borrokaren berri izan dut. Lan baldintza hobeagoak lortzea da haien helburu.

Sozialdemokraziak gobernuan urteetan egon eta gero, 2007ko Martxoan izandako hauteskundeen ostean koalizio berri batek osatu zuen gobernua: Kokoomus (Eskuindarrak), Keskusta (Zentru), VihreƤt (Alderdi Berdea), eta RKP (Suediar Hiztun gutxiengoa).

Keskusta alderdiak, hauteskunde kanpainan zehar, Erizainen lan baldintzak hobetu eta soldatak igoko zituela zin egin zuen. Hauteskundeak irabazi, gobernua osatu eta maiz gertatzen den bezala Keskusta alderdiak bere hitza jan egin zuen.

Erizainak aldiz ondo baino hobeto gogoratzen dute eta hori dela eta hasi dute borroka.

Finlandian Erizain baten batez besteko hilabete saria 1.900 Eurokoa da. Finlandian Lanbide arteko gutxieneko soldata 2.300 eurokoa da. Hau da, erizainak 400 euro gutxiago irabazten dituzte.

Egoera hori aldatzea da eskatzen dutena, eta horretarako haien soldataren %24ko igoera eskatu.

Finlandian, beste herri batzutan ez bezala, Osasungintza instituzio munizipalen eskuduntza da, eta haiei dagokie Osasungintza sektoreko lan baldintzak negoziatzea. Hala ere, Instituzio munizipalak heuren eskunduntzetarako dirua gobernu zentraletik jasotzen dute zuzenean, eta Finlandiako gobernuak esan du jada, ez diela diru gehiagorik emango.

Lan Baldintza duinen aldeko borrokak ugari dira Europan. Zergatik harritu nau Finlandiakoa orduan?

Presioa eta borroka egiterako orduan Finlandiar erizainak indarra eta imaginazioa erakusten ari dira. Greba bat antolatu beharrean, euren lanean dimisoa aukeztu dute 12.800 erizain. Finlandian, erizainek lanpostua uzteko hilabete lehenago esan behar dute. Eta hori da 12.800 erizain egin dutena. Argi dago Finlandiar erietxeak ezingo dutela lana behar bezala egin 12.800 erizain hauek gabe. Hordagoa handira!!

FREEBATASUNA

Ukraina

Ukrainak 1991eko Abuztuaren 24ean lortu zuen indepedentzia.

Indepedentzia ondoren sistema semi-presidentzialista ezarri eta liberalizazio ekonomiko basatia garatu zuen. Egoera berri honetan ustelkeria ikaragarri handitu eta pobrezia ia % 40ra igo ziren. Urtero milaka herritar galtzen ditu, Europa mendebaldera aberastasun bila joanak.

Ukraina bitan banaturik dago. Zatiketa geografiko, kultural eta soziala dugu. Mendebaldeak europara begiratzen du, aberatsagoa da eta ukrainar hizkuntza erabat mantendu du.

Ekialdea, pobreagoa izateaz gain, Errusiar federaziora begira dabil, jatorri errusiarreko biztanle gehienak bertan bizi direlarik.

Banaketa honek banaketa politikoa ere ekarri du. 2004ean Yuschenkok Iraultza laranja bultzatu zuen, mendebaldea eta EBrekin harremana indartzearen alde. Orduko bere lehiakidea, Yanukovich, Errusiaren gizona bezela aurkeztua izan zitzaigun.

Eskema hau sinpleegia da eta Europear indarrek bultzatu dute, batetik Errusiaren indarra ahultzeko eta bestetik, bere interes ekonomiko-militarrak (NATO, transnazionalak…) babesteko.

Egun, Errusiaren aldeko joerak (eskema sinplifikatua jarraituz!!), boterea hartzeko aukera ikusten du, korrupzio ikaragarria eta iraultza laranjan esandakoak ezerezean geratu direla ikusirik. Barne eliteen arteko borroka, neurri batean sustrai sozialak dituenak.

Baina “kanpokoak” ere, badu garrantzia. Itsaso beltzean, ukrainar lurraldean, errusiar ejerzitoak hainbat lagun ditu bilduak eta Europarako gas horniketaren gehiengoa bertatik pasatzen da. Beste aldean, NATOren baseen eraikuntza Polonian zein Txekiar Errepublikan mehatxu bat dira Errusiarentzat.

Ukrainar herriak, barne eta kanpoko joko hauen gainetik, egoera sozial itogarria eta etsipengarria bizi du. 2004ean “gauzak” aldatuko zirela uste zuten herritar askok desmobilizatuak daude, txarra eta okerragoaren arteko aukera horren aurrean.