Hetzordua

Presoak klasera!

Gaur presoak gogora ekartzeko eguna da, Bilbon egongo den manifestaldiarekin, batez ere. Badakit gatazka konpontzen ez den artean ez ditugula horietako asko etxean ikusiko. Edo alderantziz, eurak etxean ez ditugun artean gatazka ez da konponduta egongo. Asko entzun da gainera egun hauetan euren egoera larriaz, eta Espainia zein Frantziako “justiziak” berau aplikatzeko duen modu bereziaz. Baina gaurkoan ziurrenik hain entzuna ez den umilazio berri baten inguruan hitz egin nahi dizuet: “Educación para la Paz” izeneko ikasgaia.

Tontxu Camposek gidatzen duen sailak iaz “Educación para la Paz” izeneko ikasgaia sortzea proposatu zuen. Ikasgai honen helburua ikasleak pertsona zibilizatu eta baketsuak izan daitezela omen da, baina finean gatazkaren konponbidean sakondu beharrean honen ukapena eta “onak/gaiztoak” dikotomia ezartzen die ikasleei. Zoritxarrez ia-ia 800 bat preso politiko daude gaur egun, eta zorionez euretariko askok seme-alabak dituzte. Eta seme-alaba horiei eskolan euren aita edo ama gaiztoa dela esaten diote, hiltzaileak, eta gatazkaren oinarria eurek direla. Onargarria al da? Zein logikarekin egin daiteke hau ez bada bengantzarena?

Gogoratzen dut unibertsitatera joan nintzen lehenengo urtean Ikasle Abertzaleakek “Ikasle presoak klasera” deialdia egin zuela, eta presoek prestaturiko herri eskolak preso ohiek eman zituzten Ibaetan. Ez dakit momentua den horrelako zerbait egiteko, baina aurreko adibideak argi uzten du erasoen aurrean presoak behar ditugula irakasle. Eta bienbitartean zuen seme-alabek horrelako intoxikazioa jaso ez dezaten ekiditea izango da hoberena!

This entry was posted on Larunbata, urtarrila 3rd, 2009 at 12:45 am and is filed under Euskal curriculuma. You can follow any responses to this entry through the RSS 2.0 feed. You can leave a response, or trackback from your own site.