Eta Israel justifikatzen egongo bagina?
Gaur goizean kotxean nindoala Doctor Deseoren “Metamorfosis” diska entzuten hamaikak eman dute eta berriak entzutea erabaki dut. Beno, oraindik ez ziren hamaikak, 5 bat minutu falta ziren eta horregatik oraindik ere Radio Euzkadin ez ziren aktualitateaz ari, baizik eta batailo zibilen inguruko erreportaia batekin. 11ak emateko pare bat minutu falta zirenean ez-dakit-nongo ikastolak abestutako gabon-kanta jarri dute. Eta bat-batean sekulako nazka eman dit entzundakoak. Abestiak honela zioen:
Haur eder baten bila gabiltza zoratzen ta izarrak esan digu galdetzeko hemen.
Jangoikoaren herri maite Jerusalen esan zaiguzu laister Jesus non jaio den. (bis)
Izar bat ageri da dizdiraz zeruan, kinuka ari zaigu Gabon gauerdian.
Jangoikoaren herri maite Jerusalen esan zaiguzu laister Jesus non jaio den. (bis)
Kontura gaitezen benetan gertatzen ari denaz:
1- Eskola publiko edo ikastola batean Jesus eta Jaungoikoaz hitz egitea arrunta bilakatu da, batez ere gabonetan. Baina ez luke zertan horrela izan behar. Jesus hori ez zen existitu, ezta Jangoikoa deitzen duten hori. Beraz bere inguruan kantatzeak ez du inongo eduki pedagogikorik.
2- Larriagoa da oraindik (aurrekoa ñimiñokeri bat da honekin alderatuta) abestiak berak transmititzen duen edukia: Jerusalen da Jaungoikoaren herri maitea. Hau da, Israel guztiz justifikatua dago, bera bizirauteko arrazoi bakarra “Jaungoikoaren herri aukeratua” judutarra dela esatea baita. Jerusalen omen da Jaungoikoaren nahiaren hiria, eta hori da abestiak ematen duen mezu garrantzitsua (4 bertso guztira dituen 6etatik).
3- Eta oraindik larriagoa abestiak mezu hori izanda justu minutu bat pasata Israelek Palestinan egin duen triskantza gogora ekartzea da. Demagun, paralelismo bat egiteko, ETAk bonba-auto bat jartzen duenean entzun daitekeen hurrengo abestia “King Afrika”ren “Bomba” dela. Edo su-etena hautsi zenean “Barricada”ren “No hay tregua”. Guztiz desegokia, ezta? Radio Euskadik abesti hau jartzerakoan lehenengo eta behin balore batzuk transmititzen ditu, ondoren letrarekin Jerusalem Israelen esku egotea zilegiztatzen dute eta hirugarrenik sekulako zinismoa erakusten dute. Edo ez-jakintasuna, agian txarrago.
Bienbitartean Israeli boikota egin eta mobilizatzea baino ez zaigu geratzen. Gora Palestina!
This entry was posted on Asteartea, abendua 30th, 2008 at 8:50 pm and is filed under Kategoriarik gabe. You can follow any responses to this entry through the RSS 2.0 feed. You can leave a response, or trackback from your own site.
on urtarrila 2, 2009 at 1:41 pm izazpi wrote:
Pare bat apunte:
-Boikota Israel-i, Boikota Noa-ri…ze erreza eh?..Eta AEBei, Bruce Springsteen-i? Ah ez….horregatik joan ginen milaka uda honetan Bruce bera entzutera, hain da guaia!
-Maliki-k, Irak-eko presidente titerea, Israelekin harremanak etetzera deitzen du…(Bera AEB-k jarri du eta ez 400 baizik 100.000 hil dituzte baina Israelgoak hain dira gaiztoak!)
-Gaurko Gara-ko txistea parafraseatuz: oh! kajero bat erre dute!! eta eskuak burura; baina Hamas-ekoek kohete indiskriminatuak bota eta zozketan lau pertsona hiltzen dutenean ..a ze biolentzia guaia!, goazen Malikirekin, Madrazorekin eta enparuaekin palestinaren aldeko manifa guaiak egitera…
on urtarrila 3, 2009 at 12:03 pm Igor wrote:
Aupa!
Ez nago batere ados zurekin Izazpi, bi gai ezberdin nahasten dituzula uste dut.
Israel eta Israeleko estatuaren adierazpen orori boikot aldarrikatzeak ez du suposatzen Brucen aldeko hautua egitea, modu berberean ez du suposatzen AEBri boikota egingo ez diogunik.
Israeleko estatu sionistari boikot egitea suposatzen du eta honen “normalizazio” demokratikoa ekiditeko ekimen bat da, ez Euskal Herriko eragileek horrela erabaki dutelako, Palestinako 200 jendarte eragiletik gora horrela eskatu digutelako. Ez Malikik egiten duen deialdiaren ondorioz, eta pertsonaje honek ere deitzen duen zeozerrekin bat egiteak, ez du suposatzen berarekin bat egiten dugunik… Talde Neonaziek ere nahiko termino antzekoak erabili ditzazkete euren antisemitismoa oinarri, baina gurea ez da hori ere….
Eta azkena… eta ziurrenik minik sakonena ematen dizuna, Hamas.en brigada armatuek kazham koheteak jaurti eta edonor hiltzeak ere mintzen gaitu, eta asko poztuko gintuzke horrelako egoerarik ez ematea, BAINA ezin ditugu zapalduaren eta zapaltzailearen biolentzia parekatu, ez daude etika berberaren menpe, eta nire iritziz etika ez da absolutua.
Goazen bai gure terminoetan kalera ateratzeko prest daudenekin manifa guaiak egitera, baina ez euren aurpegia zuritzera, zoritxarrez horrelako gauzak ekiditzea gure herri hontan “acoso” eta “violencia terrorista” dira, Madrazo jauna bilboko manian agertu eta argazkilarien eta kameren aurrean paratzen denean zer da egin behar dena??? Baliteke zuk erantzuna izatea, bertan zeuden beste ehundaka pertsonen mania bertan bera utzi?
Eta norbaitek botako balu, gutxienez bertan zegoen, bai baina ez zen bertan egondako aurpegi publiko bakarra, baian bai modu autonomoan bere burua argazkirako kokatu zuena….
on urtarrila 4, 2009 at 3:31 pm Alhurreya! wrote:
Gaur Euskadi irratiko amarauna saioan blogarien solasaldian israel gazan egiten ari den sarraskiaren inguruan aritu dira mintzatzen.
Ez dituzte sarraski edota eraso terminoak ahotan izan noski: gerratzat hartu dute Palestinarren aurkako erasoa. Gazan gertatzen ari dena ez da gerratea. Israel Palestinarren lurretan orain 60 urte sortutako estatu boteretsua da. Munduko hamaika bazterretatik etorritako jendea bizi da bertan egun. Argentinarrak, britainiarrak, alemaniarrak, etiopiarrak…etxea eta lanbide bat eskainiz sionistek diruz erakarri dituzte herritarrak mandatu sakratuaren aitzakian. NBEaren oniritziarekin sortu zen Israel, milaka palestinarren heriotzen gainetik, lurraldearen `a bereganatuz.
Nahikoa ez eta Israelek azken 50 urteotan Palestinarren eguneroko bizitza oztopatu eta kontrolpean izan du, lurrak ilegalki eskuratuz nazioarteko aldarriaren aurka. Paestinako 15 urtetik gorako gizonen €a izan da inoiz kartzelan. Izan Hamasekoa, Al Fathakoa, FPLPkoa edota herritar soila. Horrek berdin dio. Hau ez da gerratea, jazarpena da, erasoa, dabid eta goliathen arteko borroka.
Euskadi irratiko tertulian bezalaxe maiz aditzen da euren burua bakezaletzat dutenen ahotik Noa, Maiumana edota Maccabiren aurkako boikota ez dela zilegi. Jakin talde horietako guztietako kideek 3 urtez egin dutela soldaduzka, gazte gazterik eta 30 urte bete artean hilabete bat eskainiko dietela armadari. Epe luze horretan euren “praktikak” Palestinarrekin egiten dituzte, checpointetan egun osoz zain izaten dituzten haur, gazte heldu nahiz edadetuekin. Eskubide urraketen zerrenda hain da luzea eta amaigabea, orain guztien berri ematea ezinezko bihurtzen duela.
Palestinarrak heriotzera edota desherrira kondenatu dituzte eta inork ez du hatzik mugitzeko asmorik. Diru gosea eta interes politikoak beste ezerren gainetik baitaude.
Agur bero bat Agshani, Summuti, Hassani, Xadiri eta duintasunari tinko heltzen dioten palestinar guztiei. Eutsi gogor! Israeli boikota!
on urtarrila 5, 2009 at 12:45 pm izazpi wrote:
(Alde batetik Igor-entzat: ez dut idazten ez mina egiteko ez eta jasateko ere. Eztaida elektronikoek gehiegi dute biraoak eta horrrelakoetatik. Ideiak eztabaidatzen ditut besterik gabe. Maila baxuagoetara joanez gero nik abandonatuko nuke)
-Irak-eko presidente titereaz bat egitea ez da kasualitate hutsa, adierazgarria baizik.
-Hemengo alderdi politikoen ilegalizazioarekin bat eginedo totrtura kasuetan beste aldera begiratu eta Hamasen biolentzia indiskriminatua (”zapaldua”-rena) justifikatzen duten horiek ere (tertulianoak, sistemako pentsalariak eta politikoak..) pentsatzekoa ematen dute.
-Boikota Israel-i eta herritarrei egin nahi zaie (AEB-koei egin nahi diezuen hori…ez da inoiz materializatzen; gogoratu, adibidez, hainbat euskal herritar debekatua dutela AEB-tan sartzea) ; Marokoko herritarrei ere egin ahal zaie Saharako zapalkuntzagatik, Errusiari Txetxeniagatik… baina ez, justu judutarrak boikoteatu behar dira.
-(Alhurreya-ri). Historiako datu hau erabakarria da. 1948an lau herrialde arabiarrek Israel-i gerra deklarazioa egin zioten, palestinarrek NBEko bozketa galdu eta berehala.
on urtarrila 7, 2009 at 2:24 am Amonamantangorri wrote:
Arestiko mezuan jarritako puntuei erantzuna, orden berean:
1) Zertan da ba “adierazgarria” Almalikik esandakoa? Zure arrazoibidean ozeano baten tamainako zuloak daude: Almaliki txontxongilo horrek X esan du, beraz, X txarra da. Hori niri oso “adierazgarria” iruditzen zait: Eskolan silogismo bat zer den azaldu zen egunean, zu tabernan porroei eman ta eman zeundela. Hori adierazten dit.
Irakeko presidenteak seguru asko ahal duena egingo du irakiarren artean gutxieneko babesa lortzeko. Israelek musulmanak zientoka akabatzen dituenean, estatu musulman bateko presidenteak zerbait esan beharko du, bere herriaren aurrean lotsagarri geldituko ez bada. Eta orduan zera esaten du: “Hori oso-oso gaizki dago eta Israelekin harremana etengo dugu”. Pues bale. Ikusiko dugu praktikan horrek zer esan nahi duen.
2) Niri pentsarazi egiten didate gauza horiek alderdi moral hutsetik komentatzen dituztenak. Analisi hotzak behar direnenan zeinen begi kamutsa dugun pentsatzen dut. Hemen dena da “gaitzespen”, “justifikazio”, “legitimitate”,… Horiek ere badira inportanteak (ez inportanteenak), baina nire ustez, betiko esaldi batasunero kanonikoa ez genuke ahaztu behar: “Hemen konpondu beharreko gatazka bat dugu”. Hori egia borobila da. Behar beharrezkoa da gerraren erralitatea kontuan hartzea. Hamas organizazio terroristatzat hartzen dute batzuek, eta hori esaten duen jende berberak konbentzimendu osoz esaten du Israel dela “eskualde horretako erregimen demokratiko bakarra”. Kontua da hemen bi alderdi beligerante daudela. Gerra bat dago.
Bakerako oinarriak betez, estatu etnikoki judutarra pikutara joango litzateke. Hartu kontuan: Israelgo estatuak oinarri arrazistak eduki behar ditu iraungo badu. Lurra, demografia, ibaiak eta iturriak, errepideak eta abar kontrolatzen dira, Israelgo estatuaren “judutartasuna” gordetze aldera. Arabiarrek seme-alaba gehiago dute judutarrek baino, eta hori sionismoarentzat benetako arazo nazionala da.
3) Zergatik Israel bai eta ez AEB, Txina, Saudi Arabia eta Maroko? Zergatik ez deklaratu gerra “gaizto” iruditzen zaizkigun erregimen guztiei? Egia da, hori oso galdera interesgarria da. Kasu gehienetan arrazoi nagusia zera da: Hori eginen gero, orduan gu geldituko ginateke bakarrik, eta ez haiek.
Zergatik Israel eta ez beste bat? Israel ez da ezer kanpoko laguntzarik gabe. Miloika dolar jasotzen ditu kanpotik milaka gauzetarako. Judu israeldarrak kultura europarrekoak dira eta beren burua Europan ikusteko beharra dute, eta horregatik leihatzen dira Europako kirolariekin. Tel Aviveko unibertsitateak (segregazionista) akordioak ditu munduko ikastetxe askorekin.
Israelen armada punta-puntakoa eta israeldarren bizitza kalitatea ezingo lirateke luzaro mantendu nazioartean presio zabal bat egingo balitz. Mende honetan fabrikatutako nazio bat da; atzerriko potentzien intereserako sortua, juduei munduan bizitzeko toki bat emateko aitzakiarekin.
Israelen kasua gainera, erabat absurdoa da. Bonba atomikoaren jabe den estatua, auzokoen kontra beti gerran eta sekulako triskantzak egiten. Erlojuzko bonba bat da, eta egun batean muturren aurrean lehertuko zaigu. Zergatik mantendu eta lagundu bakerako hain arriskutsua den estatu bat, eta ez bonbardeatu eta txikitu besteekin egin izan den bezala? Interesak daudelako: per secula seculorum han protektoratu bat eduki nahi dute.
Apartheid sistema desegin baino lehen, Hegoafrikak ia bi aliatu besterik ez zituen: Margaret Tatcher eta Ronald Reagan. Hori boikotari esker lortu zen.
Eta mesedez, orain ez hasi “baina ez, justu judutarrak boikoteatu behar dira” betiko karrakarekin. Kanpaina horren atzean antisemitismoa dagoela uste al duzu? Nik ez ditut juduak gorroto: Karl Marx, Franz Kafka, Woody Allen, Albert Einstein, Rosa Luxemburgo, denak oso majoak.
Eta zergatik onartu behar zuten ba arabiarrek Israel bezalako estatu baten sorrera; ama judutarra zuela froga zezakeen edozeinek lortu ahalko zuen herritartasuna estatu horretan, baina bertako ez-juduak instituzioetatik kanpora egongo ziren arrazoi etniko-erlijiosoengatik.
on urtarrila 7, 2009 at 3:23 pm izazpi wrote:
amonamantangorri: gustura erantzungo nizuke, puntuz puntu, baina aurreko post-ean esan bezala, ideiak eztabaidatzea dut gustoko. Birao eta lerdokeriak irakurri behar izenez gero (porroen graziari buruz ari naiz) abandonatu egiten dut.