Hetzordua

Euskal Gatazka: azala azalaren kontra

Uda iritsi da eta hurrengo egunetarako hainbat erreflexio idatziko baditut ere (zin dagit!), gaur azterketak hasi zirenetik geroko horietan nuen bideo bat ikusi dut. Gaztesarean aurki daitekeen Sextabaidaren barruan eginiko “Euskal Gatazka: azala azalaren kontra” dokumentala da. Publikatu zutenean jaitsi nuen, baina nire ordenagailuak dituen ehundaka birusek ez zidatez uzten bideoa ikusten eta hasieran bideo psikodeliko bat zela uste nuen, hainbeste kolorerekin. Ez ba! Gaur beste ordenagailu batetik lortu dut.

Bideo honek berriro ere sorrarazi dit sentsazio bat. Zer da irakasten digutena? Zein da sexualitatearekiko dagoen jarrera eskoletan? Argi ikusten da jende nagusiagoak iritzi bat botatzen duela, jende gazteak beste bat, batez ere “eztakinongo” militante direnak… baina ateratzen diren gaztetxoenek ematen dituzten iritziak nire ustez dena laburbiltzen dute. Eskoletan gai honekiko dagoen jarrera ume batek laburtzen du: “zuretzat zer da sexua” galdetu ondoren bere erantzuna “chico y chica” da.

Bideoa hemen behean ikus dezakezue: