Konkretua diskordiaren esaldia da, “Ez da hainbesterako izan, dezepzionatuta nago”. Txantxetan edo serio esanda, kontestutik kanpo ere, inork ez luke ergelkeritzat jo behar. Iritzi bat da eta ez zaio horrenbeste buelta eman behar. Tira, niretzat ez zen horrenbesterako izan, larunbatean etxera goizeko sei t’erditan heldu nintzen, zikloi famatua heldu zenean Bilbon parrandan nengoen, eta ez zen horrenbesterako izan, eta badakit zertaz ari naizen, bizi izan nuen (ez nire onenean, ongi da, baina han nengoen). Bai, argia joan zen, baina haizea egiten ez duenean ere Iberdrolak huts egiten du,. Arazoak egon, egon ziren, baina ez igarri ziren beste. Niretzat arriskutsuagoa izan zen bi egun geroago egon zen eurijasa, ez ziren horrenbeste alarma jo eta ondorioak askoz ere nabariagoak izan ziren.

Orokorra, mundua grisa da oso. Momon agertzen ziren gizon grisek mundua hartu dute. Ez dago ironiarentzat edo umorearentzat lekurik. Ezta ñabardurentzat. Dena zuzena, argia eta inor zauritu gabe esan behar da. Ez dago “letxe txarrarentzat” lekurik. Hitz handiak, potoloak botatzen dituzte euren pulpitoetatik zuzentasunaren defentzaileek.

Tira, badakit halako egoerak potroak ikutzen dizkiola edonorri, baina, baita egoera aprobetza dezakezu hurrengoko tertulian hare potoloagoak eta ironikoagoak botatzeko, gustora gelditzeko. Badakizu, bat bere ergelkerian, horrela pentsatzen du.

Animo!