Tag Archives: Partehartze hirigintza

Getxo Berpiztu!

Aretxondoko aldapak Algortako Portu Zaharrera ematen du bidea. Algorta herria, berez, Getxoko auzo bat besterik ez da, eta, aldi berean, Portu Zaharra Algortako azpiauzotzat ere jo daiteke. Nortasun handiko tokia, edozein kasutan. Aretxondoko aldapa horretan, badago urteetan zehar hutsik egondako orube bat, haritzez, intxaurrondoz eta gereziondoz zipriztinduta.

Getxo Berpiztu! ideia lehiaketa

Getxo Berpiztu! ekimena Getxoko udalak ateratako “Wanted!” lehiaketaren ondorio zuzena da, eta Getxo herriko orube narrituak birgaitzeko asmoz jaio zen, pasa den urtean. Udazkena eta negu osoa parte hartze dinamikak burutzen egon eta gero, Getxo Berpiztuko neskamutilek azkenengo faserako ideia lehiaketa -edo deialdi- bat antolatu dute. Hemen dituzue xehetasun guztiak.

Matriuska hiritarrak

Hiriak hirien barnean. Matriuska panpinen moduan agertzen zaizkigu hiriaren aldeak, batzutan bata bestearen barruan sartuta, sarri elkarren alboan, edo, besterik gabe, elkarri bizkarra emanez.
Bilboko Txurdinaga auzoan panpina horien sartu-irtenak ikusi ditugu azkeneko hilabeteotan, gizarte-bazterketa egoeran dauden pertsonentzako arreta zerbitzu baten kokapena dela-eta. Zentroari emandako izena Onartu izan bazen ere, aditzaren etimologia ez da nonbait aintzakotzat [...]

Hiria eta Kolektiboak

Partaidetza. Badirudi hasiberria den mende honetan, hirigintzak eta partaidetzak aurretik ezagutu ez duten garrantzia izango dutela. Lurzoru lege berriak ere aipatzen du partaidetza sistemak sustatu behar direla. Hainbat ahots behetik-gora (bottom-top) egiten duen plangintza urbano bat ari dira eskatzen, normalki politikariak eta hiritarrak banatzen dituen harresi ikustezina erauzteko ahaleginetan.

Elefante-Hiria

Gogoratzen itsuen eta elefantearen ipuin hura? Hala ez bada, horra nire bertsio pertsonalaren laburpen txiki bat: ba omen zeuden Asiako jakintsurik handienak, guztiak itsuak, elefante baten inguruan bilduta. Erreinuko inork ez zuen sekula elefanterik ikusi, eta agureen aholkua eskatu zuten. Lehenengo jakitunak, elefantearen hanka ukituz, zera esan zuen: «izaki hau arbola baten berdina da». Hurrengoak, [...]