Tag Archives: Bolonia

Bolognako kulebroia

Azken boladan, Facebook eta Twitter sare sozialen, posta elektronikoaren eta gainontzeko plataforma digitalen bidez alarma gorria piztu da arkitektoen artean: luzarotik datorren ingeniaritzaren kontrako gerratean, azken bataila heltzear dago (edo, hobeto esanda, heldu da jada). Ongi etorriak, bada, Bolognako kulebroira.

Nortasun krisia

Elhuyar hiztegiak, bere 2003ko argitalpenean, «krisi» hitza honela definitzen du; 1. iz. Zerbaiten bilakaeran gertatzen den une edo epe larria. Egunotan aspertzeraino aditu dugun hitza ulertzeko ahalegin bat eginez, «larri» hitzak benetan zer esan nahi duen arakatzera jo dut, definizio kurioso batekin topatuz; 1. izond. Tamaina, pisu, gorabehera, garrantzi handikoa.

Arkitektman versus Doktor Ingeniaria

Hasi da. Bertan daukagu. Bologna, edo Bolonia prozesua bertan daukagu. Unibertsitate komunitate osoari ez ezik, arkitektooi ere uste gabeko ondorioak ekarriko dizkigu Europa mailako erregulamendu berriak. Urriaren 26an, errege dekretu baten bitartez, unibertsitatea hiru erresuma handitan banatu zuten; graduak, masterrak eta doktoreak.